Colne Priory Charter 13 Willelmus dei gratia Cantuariensis archiepiscopus et sancte Romane ecclesie legatus omnibus sancte ecclesie fidelibus atque filiis per Angliam constitutis salutem et benedictionem dei et suam. Universati vestre notum fieri volumus nos confirmasse et munimento presenti roborasse omnia bona et possessionibus et elemosinas in terris et ecclesiis decimis libertatibus aliisque rebus quecunque donatione Alberici de Ver vel uxoris eius Beatricis eorumque posteritatis vel aliorum fidelium sue aliis piis modis monachi de Abendonia apud Colun in Essexa deo famulantes possederunt vel possessuri sunt. Deinde sententiam quam antecessor noster dominus Radulfus archiepiscopus malefactoribus eorum imposuit dei et domini pape et nostra anctoritate corroboramus eorum vero benefactoribus fraternitatis tam Cantuarie quam Abendonie participium concedimus atque donamus. Valete.